ஸ்ரீவிஶ்ணு ஸஹஸ்ரநாம பாஶ்யம் - ஸ்ரீஆதிஶங்கர பகவத்பாதர் அருளியது - பாகம் 126

17. உபேந்த்ரோ வாமன: ப்ராம்ஶுரமோக: ஶுசிரூர்ஜித: |
அதீந்த்ர: ஸங்க்ரஹ: ஸர்கோ த்ருதாத்மா நியமோ யம: ||

இந்த பதினேழாம் ஸ்லோகத்தில் பதினொன்று (11) திருநாமங்கள் உள்ளன:

     

151. உபேந்த்ர:, 152. வாமன:, 153. ப்ராம்ஶு:, 154. அமோக:, 155. ஶுசி:, 156. ஊர்ஜித: |

157. அதீந்த்ர:, 158. ஸங்க்ரஹ:, 159. ஸர்க:, 160. த்ருதாத்மா, 161. நியம:, 162. யம: ||

இந்த ஸ்லோகத்தில் உள்ள சில திருநாமங்களும் அவற்றின் விளக்கமும்:

155. ஓம் ஶுசயே நம:

ஸ்மரதாம் அவரை நினைப்பது 

ஸ்துவதாம் துதிப்பது 

அர்ச்சயதாம் ச வழிபடுவது 

பாவனத்வாத் (இவை அனைத்தும் நம்மிடையே உள்ள பாவங்களையும், மனதிலுள்ள அழுக்குகளையும் போக்கி) நம்மை தூய்மையாக்குகின்றன 

ஶுசி: எனவே, பகவான் 'ஶுசி:' என்ற திருநாமத்தால் அழைக்கப்படுகிறார்.

பகவானை நினைத்தலும், துதித்தலும் மற்றும் வழிபடுதலும் நம்மிடையே உள்ள பாவங்களையும், மனதிலுள்ள அழுக்குகளையும் போக்கி நம்மை தூய்மையாக்குகின்றன. எனவே, பகவான் 'ஶுசி:' என்ற திருநாமத்தால் அழைக்கப்படுகிறார்.

ஶுசி என்றால் தூய்மை.

ஆதிசங்கரரின் இந்த உரைக்கு நேரடியான தமிழாக்கம் போல உள்ளது திருப்பாவையின் இந்த வரிகள்: "தூமலர் தூவித் தொழுது, வாயினால் பாடி, மனதினால் சிந்திக்க போய பிழையும் புகுதருவான் நின்றனவும் தீயினில் தூசாகும் செப்பேலோர் எம்பாவாய்!!!"

156. ஓம் ஊர்ஜிதாய நம:

பலப்ரகர்ஶஶாத்வாத் எண்ணற்கரிய பலமுடையவராதலால் 

ஊர்ஜித: பகவான் 'ஊர்ஜித:' என்ற திருநாமத்தால் அழைக்கப்படுகிறார்.

பகவான் நினைத்தற்கரிய பலம் பொருந்தியவர். எனவே, அவர் 'ஊர்ஜித:' என்ற திருநாமத்தால் அழைக்கப்படுகிறார்.

157. ஓம் அதீந்த்ராய நம:

அதீத்யேந்த்ரம் இந்த்ரனுக்கும் மேலான 

ஸ்திதோ நிலையில் இருப்பவர் 

ஞானைஸ்வர்யாதிபி: ஞானம், செல்வம் முதலிய குணங்களால் 

ஸ்வபாவஸித்தைரிதி தன்னுடைய இயல்பான 

அதீந்த்ரிய: பகவான் 'அதீந்த்ரிய:' என்ற திருநாமத்தால் அழைக்கப்படுகிறார்.

பகவான் தன்னுடைய இயற்கையான ஞானம், செல்வம் முதலிய குணங்களால் இந்த்ரனுக்கு மேம்பட்டவர். எனவே, அவர் 'அதீந்த்ரிய:' என்ற திருநாமத்தால் அழைக்கப்படுகிறார்.

158. ஓம் ஸங்க்ரஹாய நம:

ஸர்வேஶாம் அனைத்து ஜீவராசிகளையும் 

ப்ரதிஸம்ஹாராத் (ப்ரளய காலத்தில்) அழிப்பதால் 

ஸங்க்ரஹ: பகவான் 'ஸங்க்ரஹ:' என்ற திருநாமத்தால் அழைக்கப்படுகிறார்.

ப்ரளய காலத்தில் அனைத்து ஜீவராசிகளையும் அழிப்பதால் பகவான் 'ஸங்க்ரஹ:' என்ற திருநாமத்தால் அழைக்கப்படுகிறார்.