21. மரீசிர்தமனோ ஹம்ஸ: ஸுபர்ணோ புஜகோத்தம: |
ஹிரண்யநாப: ஸுதபா: பத்மநாப: ப்ரஜாபதி: ||
இந்த ஸ்லோகத்தில் 9 திருநாமங்கள் உள்ளன. அவையாவன.
189. மரீசி:, 190. தமன:, 191. ஹம்ஸ:, 192. ஸூபர்ண:, 193. புஜகோத்தம: |
194. ஹிரண்யநாப:, 195. ஸுதபா:, 196. பத்மநாப:, 197. ப்ரஜாபதி: ||
அவற்றில் சில திருநாமங்களை இன்று அனுபவிக்கலாம்.
193. ஓம் புஜகோத்தமாய நம:
புஜேன தோள்களினால் (கைகளினால்)
கச்சதாம் செல்லும் ப்ராணிகளில் (அதாவது ஊர்ந்து செல்லும் ப்ராணியான பாம்புகளில்)
உத்தமோ சிறந்தவராக இருப்பதால்
புஜகோத்தம: பகவான் 'புஜகோத்தம:' என்ற திருநாமத்தால் அழைக்கப்படுகிறார்.
ஊர்ந்து செல்லும் ப்ராணியான
பாம்புகளில், (வாஸுகி, ஆதிசேஷன் போன்று) சிறந்தவராக இருப்பதால் பகவான் 'புஜகோத்தம:' என்ற திருநாமத்தால் அழைக்கப்படுகிறார்.
பாம்புகள் கால்களின்றி தமது உடலால் ஊர்ந்து செல்வதால் அவை 'புஜகம்' என்று அழைக்கப்படுகின்றன. ஸ்ரீமத் பகவத்கீதை 10-வது அத்யாயத்தில் பகவான் கூறியுள்ளபடி பகவான் ஒருதலை பாம்புகளில் வாஸுகியாகவும், பலதலைகள் கொண்ட பாம்புகளில் (நாகர்களில்) அநந்தன் என்றழைக்கப்படும் ஆதிசேஷனாகவும் உள்ளார்.
194. ஓம் ஹிரண்யநாபாய நம:
ஹிரண்யமிவ பொன்னைப்போன்று
கல்யாணி அழகிய
நாபிரஸ்யேதி தொப்புளை உடையவராதலால்
ஹிரண்யநாப: பகவான் 'ஹிரண்யநாப:' என்ற திருநாமத்தால் அழைக்கப்படுகிறார்.
பொன்னைப்போன்று அழகிய தொப்புளை உடையவராதலால் பகவான் 'ஹிரண்யநாப:' என்ற திருநாமத்தால் அழைக்கப்படுகிறார்.
ஹிதரமணீய நன்மையளிக்கவல்லதும் (ஹிதம்), அழகியதுமான (ரமணீய)
நாபித்வாத்வா தொப்புளை உடையவராதலால்
ஹிரண்யநாப: பகவான் 'ஹிரண்யநாப:' என்ற திருநாமத்தால் அழைக்கப்படுகிறார்.
அல்லது, பகவானின் தொப்புள் அழகாக
இருப்பதோடல்லாது நமக்கு நன்மையை தருவதாகவும் இருப்பதால் பகவான் 'ஹிரண்யநாப:' என்ற திருநாமத்தால் அழைக்கப்படுகிறார்.
அந்த தொப்புளிலிருந்தே நான்முகக் கடவுளான ப்ரஹ்மா தோன்றுகிறார். அதிலிருந்தே, அனைத்து படைப்பும் உருவாகிறது. படைப்பில்லையேல் நாம் நற்கதி அடைய இயலாது. எனவே, பகவானின் தொப்புள், நமக்கு மிகப்பெரிய நன்மையை செய்கிறது.
195. ஓம் ஸுதபஸே நம:
நரநாராயணரூபேண நரன் மற்றும் நாராயணன் வடிவத்தில்
ஶோபனம் அழகிய, மங்களகரமான
தபஸ்சரதீதி தவம் புரிவதால்
ஸுதபா: பகவான் 'ஸுதபா:' என்ற திருநாமத்தால் அழைக்கப்படுகிறார்.
நரன் என்ற சீடனாகவும், நாராயணன் என்ற குருவாகவும் பகவான்
பத்ரிகாஸ்ரமத்தில் உலக நன்மைக்காக மங்களமான தவம் புரிந்து வருகிறார். எனவே, அவர் 'ஸுதபா:' என்ற திருநாமத்தால் அழைக்கப்படுகிறார்.
பத்ரிகாஸ்ரமத்தில் இன்று நாம் காணும் மூர்த்தி ஸ்ரீஆதிசங்கர பகவத்பாதாளால் ஸ்தாபிக்கபட்டதாகும். இன்றும், அங்கு கேரள நம்பூதிரி வகுப்பினரே தலைமை அர்ச்சகராக உள்ளனர்.
'மனஸஸ்சேந்த்ரியாணாம் ச
ஹ்யைகாக்ரயம் பரமம் தப:'
மனம் மற்றும் புலன்களின்
அடக்கமே சிறந்த தவமாகும்.
இதி ஸ்ம்ருதே: இவ்வாறு ஸ்ம்ருதிகளில் கூறப்பட்டுள்ளது.
கருத்துகள் இல்லை:
கருத்துரையிடுக